Homiladorlikning 29-haftasi

Homiladorlikning 29-haftasida har bir bolaning o‘lchami va vazni sezilarli ravishda farq qiladi, ammo o‘rtacha o‘sish 26 sm.ni, vazn esa 1 kg.dan sal ko‘proqni tashkil etadi. Biroq homilaning ko‘rsatkichlari yuqoridagidan kattaroq yoki kichikroq bo‘lishi mumkin¹.

Shu paytdan boshlab va uchinchi trimestr so‘ngiga qadar sezilarli ravsihda bo‘y cho‘zadi, vazni esa ikki, ayrim holatlarda uch marta oshadi². Bola hali olam bilan uchrashuvga tayyor bo‘lmasa ham, nafas olish va termoregulyatsiya kabi funksiyalarni boshqarish uchun uning miyasi yetarlicha rivojlangan¹.

29-haftada me’yorda ishlashni boshlaydiga boshqa bir organ yoki organlar jufti – bu o‘pka. Uning ichidagi havo qopchalari va mayda nafas olish yo‘llarining murakkab tarmog‘i bu bosqichda havo o‘tkazish uchun yetarlicha rivojlangan, ammo ular hali to‘liq shakllanmagan, mobodo farzandingiz shu bosqichda tug‘ulib qolsa, sun’iy nafas olish qurilmasi yordamidan foydalanish kerak bo‘ladi¹. O‘pka butun homiladorlik davomida va bola dunyoga kelgandan so‘ng ham rivojlanishda davom etadi³.

29-hafta davomida farzandingiz juda faol bo‘lib qolaveradi va juda ko‘p harakat qiladi. Uning tepingani, itargani, burilib olganini aniq sezasiz¹.

Bola bir kunda qancha qimirlashini belgilaydigan aniq ko‘rsatkich yo‘q. Ammo bola qachon ko‘proq qimirlashini bilasiz, masalan ovqatlanganingizdan keyin yoki uyquga yotish oldidan.

Homiladorlik hammada har xil bo‘ladi, homilaning harakatlaridagi o‘zgarishlarni sezsangiz, akusher-ginekologingiz yoki tug‘ruq bo‘limiga murojaat qiling.

K vitamin juda oz miqdorda – kuniga bir kilo vazningizga taxminan 0,001 mg kerak bo‘lsa ham, homiladorlik davrida parhezingizning muhim tarkibiy qismi bo‘lib qolaveradi. Qon ivishi uchun o‘ta muhim sanalgan shunday vitaminning homiladorlik davrida yetishmovchiligi tug‘ruqdan so‘ng bolada jiddiy asoratlarga olib kelishi mumkin⁵. K vitamini yetishmovchiligi bois to‘satdan qon ketishi va tanada gematoma kabi holatlar juda kam uchraydi. K vitamini miqdorining me’yorda bo‘lishi qon ivishini me’yorlashtiradi va bunday xatarlarni kamaytiradi.

K vitamini yetarli miqdorda bo‘lishi uchun ko‘pchilik biror-bir narsa qilishlari shart emas – buning uchun ovqatlanish ratsioni kifoya yoki ichaklardagi ayrim bakteriyalar K vitaminini hosil qiladi⁶. Ushbu ozuqaviy moddaning yetishmovchiligi xavfi kam bo‘lsa ham, homiladorlik davrida ratsioningizda K vitaminining quyida keltirilgan manbalaridan bir nechtasi bo‘lishi kerak.

K vitamini yetishmovchiligini (bunday holat juda kam uchraydi) oldini olish uchun tug‘ruqxonada yangi tug‘ulgan chaqaloqlarga inyeksiya qilinadi yoki preparat og‘iz orqali yuboriladi.

Yangilangan sana: 2016-yil 8-avgust