Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
O’qish vaqti: 6 daqiqa
3 oy (1 trimestr)
Homilaning ko‘plab asosiy organlari ishlay boshlaydi.
Homiladorlikning 11-haftasida homila tez rivojlanish bosqichiga o‘tishga tayyorlana boshlaydi. Bu vaqtda homila hali ham kichik – xuddi laym kabi 4-5 sm bo‘ladi. Ammo bu davrda u tez o‘sadi va rivojlanadi: barcha yuz suyaklari shakllanib bo‘ladi, qo‘l va oyoq barmoqlari pardali murtaklaridan ajraladi, quloq suprasi yanada odatiy shaklga kiradi.
Bola rivojlanishining bu bosqichida ba’zan qattiq qimirlasa-da2, bu birinchi homiladorlik bo‘lsa, 17-18 haftalikkacha yoki yanada kechroq muddatgacha bolaning qimirlashini sezish qiyin1.
Farzandingiz kelajakda to‘g‘ri o‘sib, ulg‘ayishi uchun chaqaloqlarning rivojlanishi haqida batafsil bilib oling
Bel shakli o‘zgarganidan homiladorlikning ilk tashqi belgilarini sezishingiz mumkin. 11-haftada qorin bilinmasa, xavotirlanmang. Tez orada u bilinib qoladi.
Homiladorlik belgilari hammada har xil kechadi. 11-haftada quyida keltirilgan belgilardan ayrimlarini sezishingiz mumkin:
Ko‘krak hajmi kattalashib, unda og‘riqni his qilishingiz mumkin. Ko‘krakda boshqa o‘zgarishlar ham kuzatiladi – shu tariqa organizm ko‘krak bilan oziqlantirishga tayyorgarlikni boshlaydi.
Dastlabki 12 hafta davomida gormonal o‘zgarishlar charchoq yoki kuchdan qolish hissini tuyushga olib kelishi mumkin.
Bo‘lg‘usi onalarning 80%i birinchi trimestrda darmonsizlik va ko‘ngil aynishini his qiladi6. Bu holat kunning istalgan paytida kuzatilishi va turlicha namoyon bo‘lishi mumkin: masalan, ko‘ngil aynishi bir lahzada o‘tib ketadi yoki kun davomida ko‘ngil aynishini his qilasiz.
Homiladorlik gormoni sanalgan progesteron ovqat hazm bo‘lishini sekinlashtiradi, bu esa qorin shishishiga va gazlar ko‘payishiga olib kelishi mumkin7.
Yengil spazmalar va qon aralash ajralishlar ko‘pincha homiladorlikning erta bosqichlarida uchraydi8,9. Agar og‘riq kuchaysa (menstruatsiya paytidagiga nisbatan kuchliroq) yoki qon ko‘proq ketsa, terapevtingizga murojaat qilishingizni tavsiya etamiz.
Hojatxonaga tez-tez borish – homiladorlikning erta bosqichlarida eng ko‘p uchraydigan belgilardan biridir. Bu bachadonning kengayishi va siydik pufagiga bosim berishi bilan bog‘liq.
Homiladorlikdagi darmonsizlik holatlari odatda birinchi trimestrdan keyin tugaydi. Ko‘pchilik ayollarda bu holatning cho‘qqisi 9-10-haftaga to‘g‘ri keladi, pasayishi esa 12-14-haftalarda kuzatiladi9. Ayrimlarda darmonsizlik 20-haftagacha saqlanishi, shuningdek ko‘ngil aynishi va qayt qilish sodir bo‘lishi, ikkinchi va keyingi trimestrda paydo bo‘ladigan kislotali reflyuks kuzatilishi mumkin. Ertalabki darmonsizlik nima ekanligi va u bilan qanday kurashish haqida batafsil bilib oling.
8-14-hafta orasida birinchi UTK o‘tkaziladi. Ultratovushli skanerlashda zararsiz tovush to‘lqinidan foydalanilib, uning yordamida qorindagi homilani tafsiliy ravishda ko‘rish mumkin. Na siz, na bola biron-bir narsani his qilasiz – farzandingizni ilk marta ko‘rganingizda faqat xursandchilik sizni qurshab oladi.
Kalsiy suyak va tishlarning rivojlanishi uchun muhimdir, shu boisdan homila sog‘lom bo‘lishi uchun kalsiy iste’molini biroz oshirish kerak bo‘ladi10. Sut quyidagi bir nechta muhim funksiyalarni bajaradigan kalsiyga boy manba sanaladi:
• Pasterizatsiya qilingan sut, pishloq va yogurt kabi sut mahsulotlari.
• Bir qator yong‘oq va don turlari, asosan, bodom va kunjut.
• loviya va dukkakli o‘simliklar
• anjir, ismaloq
• Tofu va oq non bilan kalsiyga boy quruq nonushta
• Kalsiy bilan boyitilgan ichimliklar, masalan soyali sut.
Suyak va tishlarning to‘g‘ri rivojlanishidagi o‘rni bois keng miqyosda tan olingan kalsiy butun homiladorlik davri davomida homila uchun muhim ozuqaviy modda sanaladi12. Uning turli mahsulotlarda ko‘p uchrashi quvonarli holat.
Kalsiy nafaqat suyak va tishlar uchun foydali, balki undan har bir alohida hujayra foydalanadi va organizmning to‘qima va suyuqliklarida mavjud. Kalsiy ko‘plab jarayonlarda ishtirok etadi: mushaklar va nerv tizimining ishlashiga yordam beradi, ovqat hazm bo‘lishi va qon aylanishini yaxshilaydi. Tadqiqotlardan biriga ko‘ra, homiladorlik paytida kalsiy zaxirasining yaxshi bo‘lishi preeklampsiya (PE) va vaqtidan ilgari tug‘ish xavfini kamaytirishga yordam berishi mumkin14.
Homiladorlikning turli haftalarida ovqatlanishda tafovutlar yo‘q, umuman olganda bu davrda quyidagi mahsulotlarni iste’mol qilish tavsiya etilmaydi:
Xom va to‘liq pishmagan go‘sht
Pasterizatsiya qilinmagan sut va sut mahsulotlari
Jigar va tarkibda A vitamin yuqori bo‘lgan mahsulotlarni haddan ortiq ko‘p iste’mol qilish
Homiladorlik paytida vazn ortishi homiladorlikkacha bo‘lgan vazningizga bog‘liq va homilador ayollarda bu keskin farq qilishi mumkin. Bo‘lg‘usi onalarning ko‘pchiligida homiladorlik paytida 10 kg.dan 12,5 kg.gacha vazn ortadi, homilaning vazni esa buning bir qismini tashkil etadi13.
Yangilangan sana: 2019-yil 3-dekabr
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Biz dushanbadan jumaga qadar, 9:00 dan 18:00 gacha aloqadamiz!
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.