Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
O’qish vaqti: 4 daqiqa
4 Oy (Trimestr 2)
Farzandingizda qosh va kipriklar rivojlana boshlaydi.
Homiladorlikni 15-haftasiga kelib farzandingizningilk marta turtishlarini his qila boshlaysiz.
Butun homiladorlik davomida suyuqlik ichish tartibiga amal qilishning ahamiyati haqida bilib oling.
Bu paytga kelib homilaning kattaligi olmadek bo‘lib ulguradi, ya’ni uzunligi taxminan 10,1 sm va vazni 70 gramm atrofida bo‘ladi. Isitish uchun bola tanasini qoplab turadigan ko‘p miqdordagi lanugo – kalta tuklardan tashqari qosh va kipriklar ham o‘sishni boshlagan. Bolaning qovoqlari hali ochilmagan, ammo u yopiq qovoqlar bilan ham yorug‘likni farqlashi mumkin. Shuningdek, bola tovushlarni qabul qilishni ham boshlaydi1.
Dunyo bo’ylab 700 mingga yaqin bo’lajak onalar va yosh ota-onalar klubiga qo’shiling.
Bu paytga kelib qorningiz ancha bilinib qoladi, shuning uchun yon-atrofdagilar ham buni payqashi mumkin. Homila tez rivojlanadi, bachadon esa homilani o‘rab turadigan suv va yo‘ldosh bilan to‘lib boraveradi. Ichki qism ham toboro siqiq bo‘lib boraveradi, shu boisdan, agar biqinda to‘satdan sanchiqli og‘riqni his qilsangiz, xavotirga o‘rin yo‘q1.
Gormonlar terining qichishishiga sabab bo‘lishi mumkin. Ushbu holatda qo‘shimcha ifor berilmagan namlovchi vositalar va vanna qabul qilish yordam beradi. Agar qichishish sizga noqulaylik tug‘dirsa, ayniqsa tunda, terapevt yoki akusher-ginekologga murojaat qilish tavsiya etiladi, chunki bu jigar kasalligi – xolestaz bo‘lishi mumkin1.
Dumg‘aza sohasida qon oqimi oshishi bilan tana sut rangidagi suyuqlik – leykoriya ishlab chiqishni boshlaydi. U qinni infeksiyalardan himoya qilish uchun muhimdir. Agar ushbu suyuqlikni hidi o‘tkirlashsa, rangi yoki tuzilishi o‘zgarsa, bu organizmdagi infeksiyalarning belgisi bo‘lishi mumkin. Shu boisdan akusher-ginekolog bilan maslahatlashishni tavsiya qilamiz1.
Ko‘pchilik ayollarda homiladorlikning yoqimsiz belgilari bu paytga kelib ortda qolgan, ammo ayrimlarda oldingidek ma’lum bir belgilar kuzatiladi:
• Qorin shishishi va qabziyat.
• Me’daning sustligi yoki jig‘ildon qaynashi.
• Ertalabki darmonsizlik
• Qon quyilishlari
• Bosh aylanish xurujlari va bosh og‘riqlari
• Qo‘l va oyoqlar shishishi1
Homiladorlik davrida suyuqlik iste’moli tartibiga rioya qilish o‘ta muhimdir. Yetarlicha miqdordagi suyuqlik ichish sizning sog‘ligingiz va homilaning rivojlanishi uchun nihoyatda zarurdir. Shuningdek, ovqatlanish ratsionga sut, meva sharbatlari, pyure va sho‘rvalarni kiritish muhim sanaladi. Choy va qahva ham organizmda suv muvozanatini ta’minlashda yordam beradi, biroq ulardagi kofein miqdoriga e’tibor qaratish lozim. Homiladorlik davrida kuniga 200 mg.dan ortiq kofein iste’mol qilish tavsiya etilmaydi, quyidagi mahsulotlarda shuncha miqdordagi kofein mavjud:
Shuningdek, kofein mahsulotlarning alohida turlarida, masalan, shokolad (odatda kam miqdordagi), ayrim dorilar va spirtsiz ichimliklarda ham bo‘lishi mumkin4.
Inson tanasining taxminan 60 %i suvdan tarkib topgan va har kuni tabiiy ravishda taxminan 2 litrgacha suyuqlik yo‘qotamiz. Suv organizmning ishlashi, ozuqaviy moddalarni o‘zlashtirish va toksinlarni chiqarib yuborishda yordam beradi. Homiladorlik davrida yuqori yuklama ostida bo‘lasiz, shu sababli organizm suvsizlanib qolmasligi uchun ko‘proq suv ichish talab etiladi6.
Oziq-ovqat mahsulotlari xavfsizligi bo‘yicha Yevropa agentligi ayollarga kuniga 2 litr va homiladorlik davrida qo‘shimcha ravishda har kuni yana 300 ml suv ichishni tavsiya etadi7. Bu har kuni 250 ml sig‘imdagi 9-10 ta ichimlik ichish degani. Gazli va tarkibida shakar miqdori ko‘p bo‘lgan ichimliklarni ichish tavsiya etilmaydi. Agar ularning ozuqaviy quvvati yuqori bo‘lmasa, bunday ichimliklarning yanada sog‘lom muqobilini topgan ma’qulroq6. Meva sharbati tarkibida shakar ko‘p bo‘lishi mumkin, ammo u yangi mevalardan tayyorlangan bo‘lsa, unda ratsioningiz doirasida har kunlik mevalar va sabzavotlar iste’moli bilan birga 150 ml hajmda 1 stakan ichish mumkin8.
Homiladorlikning turli haftalarida ovqatlanishda tafovutlar yo‘q, umuman olganda bu davrda quyidagi mahsulotlarni iste’mol qilish tavsiya etilmaydi:
Xom va to‘liq pishmagan go‘sht
Pasterizatsiya qilinmagan sut va sut mahsulotlari
Jigar va tarkibda A vitamin yuqori bo‘lgan mahsulotlarni haddan ortiq ko‘p iste’mol qilish
Homiladorlik paytida vazn ortishi homiladorlikkacha bo‘lgan vazningizga bog‘liq va homilador ayollarda bu keskin farq qilishi mumkin. Bo‘lg‘usi onalarning ko‘pchiligida homiladorlik paytida 10 kg.dan 12,5 kg.gacha vazn ortadi, homilaning vazni esa buning bir qismini tashkil etadi13. Homiladorlikda vazn oshishi haqida barcha kerakli ma’lumotlarni bilib oling.
Yangilangan sana: 2019-yil 23-dekabr
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Biz dushanbadan jumaga qadar, 9:00 dan 18:00 gacha aloqadamiz!
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.