Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
8 oy (trimestr 3)
Homiladorlikning 34-haftasida farzandingiz terisi ostida yog‘ to‘play boshlab, vazni ortib boradi, bu esa unga tug‘ruqdan keyin tana harorati boshqarishda va tanani issiqligini tutib turishda yordam beradi. Uning suyaklari ushbu bosqichda ham mustahkamlanib borishda davom etadi. O‘z organizmingiz va chaqalog‘ingizning organizmini qo‘llab-quvvatlash uchun ko‘proq sog‘lom ovqatlarni iste’mol qilishingiz kerak. Agar siz hozirdanoq muvozanatlangan parhezga rioya qilish odatini o‘zingizda shaklllantira olsangiz, uni saqlash va emizish davrida chaqaloqni zarur bo‘lgan barcha muhim oziq moddalar bilan ta’minlash, siz uchun osonroq bo‘ladi.
Homiladorlikning 34-haftasida sizning o‘sayotgan farzandingiz taxminan 2 kg vaznga ega bo‘ladi, bo‘yi esa 31 sm atrofida bo‘ladi. Ushbu qo‘shilgan vaznning bir qismi, o‘sishda davom etayotgan va mustahkamlanayotgan suyaklarga to‘g‘ri keladi. Biroq, bu farzandingizning boshidagi suyaklarga tegishli emas: ular butun homiladorligingiz paytida yumshoq va bitmaganligicha qoladi, bu farzandingiz tug‘ruq paytida boshdan kechiradigan bosimga dosh bera olish va xavfsiz moslashish uchun muhim2.
Farzandingizning tanasidagi ko‘plab tizimlar homiladorlikning 34-haftasiga kelib, allaqachon ishlayotgan bo‘ladi, ammo uning immun tizimi hali ham rivojlanib bormoqda2 va bu jarayon tug‘ilganidan keyin ham davom etadi. Tanangiz ko‘krak sutingiz orqali farzandingizga antitanachalarni o‘tkazib, uning immunitetini mustahkamlashga yordam beradi2.
Agar qorningizni ichkaridan ko‘ra olganingizda edi, farzandingizning tirnoqlari barmoqlarining uchigacha o‘sganini ko‘rardingiz. Agar siz o‘g‘il farzand kutayotgan bo‘lsangiz, uning moyaklari ushbu bosqichda allaqachon ko‘rinib turishi mumkin, garchi ba’zi bolalar tushirilmagan moyaklar bilan tug‘ilishadi. Bu odatda bola hayotining birinchi yilida o‘zgaradi3.
Tug‘ruq sanasi yaqinlashishi bilan, sumkangizni tug‘ruqxonaga yig‘ish vaqti keldi. Qaysi yeguliklarni ko‘proq yoqtirishingizni oldindan o‘ylab ko‘rish, tug‘ish vaqti kelganida yaxshi tayyorgarlik ko‘rishingizga yordam beradi. Faqat 5% bolalar o‘z vaqtida tug‘ilishadi, shuning uchun esda tutish kerakki, taxminiy tug‘ruq sanasi — siz uchun yaxshi ko‘rsatma, ammo hali aniq degani emas1.
Dunyo bo’ylab 700 mingga yaqin bo’lajak onalar va yosh ota-onalar klubiga qo’shiling.
Farzandingiz tug‘ilgandan so‘ng, tanangiz ko‘krak suti orqali uni zarur bo‘lgan barcha oziqlanish bilan ta’minlashda davom etadi. Xuddi homiladorlik paytida bo‘lgani kabi, tanangiz chaqaloqning ehtiyojlarini birinchi o‘ringa qo‘yadi, shuning uchun ikkalangizni ham qo‘llab-quvvatlash uchun rasioningizda ozuqa moddalari va kaloriyalarning to‘g‘ri muvozanati bo‘lishi muhimdir.
«Homiladorlikning butun davri mobaynida siz rioya qilgan sog‘lom ovqatlanish odatlari, ko‘krak bilan emizishni boshlaganingizda ham xuddi shunday ahamiyatga ega bo‘ladi».
Homiladorlik paytida muhim deb hisoblanadigan ayrim oziq moddalar, shuningdek, farzandingiz hayotining birinchi bir necha oylarida uning rivojlanishi uchun ham xuddi shunday muhimdir, bular shu jumladan:
Shuningdek, ko‘krak suti bilan bolani oziqlantirish davrida suyuqlik iste’mol qilishga alohida e’tibor berilishi kerak. Organizmga ko‘krak sutini ishlab chiqarish uchun katta miqdordagi suv zahirasi bo‘lishini talab qiladi va emizikli ayollarga kuniga 2 litrni8 tashkil etadigan kundalik me’yordan 700 ml ko‘proq suyuqlik ichish tavsiya etiladi8. Bu kuniga 10-11 stakan suv deganidir. Shunga qaramay, choy, kofe, sut, mevali sharbat, sho‘rvalar va kokteyllar ham suyuqlikka kiritilishini unutmang.
Homiladorlikning so‘nggi haftalarida sizga ko‘p suyuqlik kerak bo‘ladi, shuning uchun agar siz yetarli miqdorda suv ichmasligingizni his qilsangiz, uning iste’molni ko‘paytirish va tanangizdagi suyuqlik muvozanatini kuzatib borish uchun, hozir sog‘lom odatlarni o‘rnatish uchun yaxshi vaqt.
Yog‘li baliq D vitamini, temir va Omega-3 PTYoK kabi ko‘plab foydali oziq moddalar manbai hisoblanadi. Uchinchi trimestr va emizish davri uchun ideal bo‘lgan quyidagi foydali yegulıklar va yengil ovqatlarni taomnomangizga kiriting. Ammo, tarkibida toksinlar bo‘lishi mumkinligi sababli, baliqni iste’mol qilishni haftasiga 2 ta porsiya bilan cheklashni unutmang9:
So’nggi marta: 2016-yil 8-avgustda yangilangan.
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Biz dushanbadan jumaga qadar, 9:00 dan 18:00 gacha aloqadamiz!
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.