Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Oxuma müddəti: 4 dəqiqə
5-ci ay (2-ci rüb)
Hamiləliyin 19-cu həftəsində körpənizin boyu başından büzdüm sümüyünə qədər təxminən 15,3 sm, çəkisi isə təxminən 240 qramdır. Bu, təxminən pomidorla eyni ölçüdür, amma bir qədər ağır.1
İndi körpənizin ən unikal xüsusiyyəti – barmaq izləri inkişaf etməyə başlayır. Bunların ortaya çıxması ilə bərabər əl və ayaq dırnaqları böyüməyə davam edir və indi o, əllərini sıxa bilməlidir.2
Verniks adlanan qoruyucu təbəqənin ortaya çıxması ilə birlikdə körpənizin sinirlərinin ətrafında miyelin adlı yağlı maddə formalaşır.3 O, həm də sinirləri izolyasiya etməklə onları qoruyur və körpənizin beyni ilə əzələləri arasındakı hərəkət neyronu əlaqələrini dəstəkləyir.
Miyelin körpənizin daha koordinasiyalı hərəkət etməyə başlamasına kömək edir.3 Adətən yeni doğulmuş körpələrin hərəkətləri qəfil və koordinasiyasız olur, amma onlar böyüdükcə daha çox miyelin yaranaraq hərəkətlərinin daha yumşaq və koordinasiyalı olmasına kömək edir.3
Körpənizin inkişafının elmi əsasını kəşf edin; həftəbəhəftə
Uşaqlıq boşluğunuz çanaqdan yuxarı doğru hərəkətə davam edir. İndi o, göbək dəliyinizə çatmalıdır və hamiləliyin hər geridə qalan həftəsində bir santimetr böyüməlidir.4
Bu ərəfədə hamiləlik hormonları göz yaşı yaranmasına təsir edə bildiyi üçün göz qıcıqlanması ola bilər.5 Bu, gözlərinizdə yorğunluq və qum dənəsi düşmüş kimi hiss etməyinizə səbəb ola bilər, buna görə də göz damcısı almağınıza dəyər.
Qəribə olsa da, hamiləlik hormonu gözlərdə artıq mayenin yaranmasına səbəb ola bilər və bu, göz bəbəyinizin əyriliyini dəyişdirə və zəif çəpgözlüyə yol aça bilər.6 Kontakt linzaları taxanlar bu dəyişikliyi daha çox sezə bilərlər. Narahatlıq versə də, yadda saxlamaq lazımdır ki, bu, müvəqqətidir, doğuşdan dərhal sonra və ya körpənizi əmizdirməyə başlayarkən keçib gedəcək, buna görə də yeni linza resepti tələb etməyinizə ehtiyac yoxdur.
Böyrü üstə yatın, qarnınıza və ağrıyan əzələlərinizə dəstək üçün yastıqlardan istifadə edin. Həmçinin dizləriniz arasında yastıqla yatmağı da sınaya bilərsiniz.1
Təəssüf ki, hamiləlik geniş yayılmış maya infeksiyası olan süd yarasına qarşı müqavimətinizi artırmır. Əgər sizdə süd yarası olarsa, geniş, pambıq alt paltarı geyinin və ətirli sabunlar, hamam duzlarından istifadə etməkdən və keçib gedənə qədər sekslə məşğul olmaqdan çəkinin.
Siz tez-tez ayaqyoluna getmək kimi hamiləliyin erkən əlamətlərini hələ də daşıya bilərsiniz.
Hamiləlik hormonu proqestron həzm prosesini yavaşladır və bu, köpməyə və qaz artıqlığına səbəb ola bilər.8
Qarnınızın yan tərəfində ağrılar uşaqlıq boşluğunun genişlənməsi (onu yuvarlaq bağ ağrıları da adlandırırlar) səbəbindən olur. Ağrının keçməsi üçün ayaqlarınızı qaldıraraq dincəlin.9
Bu, birinci rübdən qalan və hələ də hiss etdiyiniz digər əlamətlərdən biridir. Ruh düşgünlüyünə estroqen və proqesteron hormonları səbəb olur. Özünüzü gümrah hiss etməyiniz üçün çoxlu dincəlin və yüngül idman hərəkətləri edin.
Qarnınız böyüdükcə bəzi hərəkətləri etməyiniz daha da çətinləşəcək. Bu, xüsusilə idman hərəkətlərinə aid ola bilər, odur ki, onları uyğunlaşdırmaq ehtiyacı yaranacaq.
Birincisi, siz əlavə çəki almısınız və buna davam edəcəksininiz, bu isə etdiyiniz idman hərəkətlərinə təsir göstərə bilər. Bəs hormonlarınızın da idman hərəkətlərinizə təsir edə biləcəyini bilirsinizmi?
Relaksin adlanan hormon doğuşa kömək edən bağları zəiflədə bilər.10 Təəssüf ki, beliniz, dizləriniz və topuqlarınızı dəstəkləyən bağları da zəiflədə bilər.1 Buna görə də qaçmaq əvəzinə sürətli yeriməyə keçid edə bilərsiniz.
Hamilə qadınların beş gün ən azı 30 dəqiqə olmaqla hər həftə 150 dəqiqə11 idman etməyə çalışmaları məsləhət görülür. Hamiləliyiniz inkişaf etdikcə günlük qaydalarınızı uyğunlaşdırmağınız faydalı olar. Yaxşı xəbər odur ki, 10 dəqiqəlik üç seans 30 dəqiqəlik bir seans qədər faydalıdır.
Körpənizin toxuma və DNK inkişafı hamiləlik dövründə sink ilə yaxşı təmin olunmaqdan asılıdır. Sink körpənizin bəslənməsi üçün orqanizminizin qidalardan yağ, protein və karbohidratları emal etməsinə12 kömək edir. Bu vacib mineral sizin öz səhhətinizi də dəstəkləyir, odur ki, sink ilə zəngin qidaları pəhrizinizə daxil etməyiniz zəruridir. Orta hesabla hər qadının gündə təxminən 7 mq sinkə13 ehtiyacı var.
Sink hamiləlik dövründə körpənizin hüceyrələrinin və DNT-nin qurulmasında önəmli rol oynayır. O, hüceyrələrin bölünməsi və toxumaların böyüməsi üçün lazımlıdır və körpəniz bir adi hüceyrədən başlayaraq trilyonlarla kiçik hüceyrədən ibarət balaca insana qədər böyüyür. Sink həmçinin beynin normal inkişafında aparıcı rol oynayır.14
Sinkin sağlam qəbulu hamiləlik dövründə düzgün balanslaşdırılmış pəhrizin bir hissəsidir. Hamiləlik dövründə gündə 7 mq, körpənizin ilk dörd ayında ana südü ilə qidalandırarkən gündə 13 mq, sonrakı dövrdə gündə 9,5 mq sink qəbul etməyə ehtiyacınız var.15
Son baxış: 13 yanvar 2020
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.