Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
7-ci ay (3-cü rüb)
Hamiləliyin 30-cu həftəsində körpənizin həm daxilində, həm də xaricində bir çox şeylər baş verir. Bambalaca ayaq dırnaqları görünməyə başlayır və sinir lifləri beyin impulslarının daha tez hərəkəti üçün sürətlə böyüyür. Dəmir bu koqnitiv inkişafı dəstəkləyir, odur ki, pəhrizinizdə kifayət qədər olması önəmlidir.
30-cu həftədə körpənizin inkişafı
Hamiləliyin 30-cu həftəsində körpənizin boyu başından büzdüm sümüyünə qədər təxminən 27 sm, çəkisi isə təxminən 1360 qramdır. Onun beyni və ağ ciyərləri inkişafa davam etdikcə bambalaca ayaq dırnaqları böyüməyə başlayır.1
İndiki mərhələ ağ, sürüşkən verniks və lanuqo adlanan incə tüklər yox olmağa başlayır,2 bu, körpənizin dərisinin altında onun isti qalması üçün kifayət qədər yağın olduğuna işarədir.
Körpələrin çoxu bu mərhələdə1 kənar dünyaya səyahətə hazırlaşarkən başıaşağı vəziyyətdə olur. Əgər ginekoloqunuz körpənizin hələ çevrilmədiyini aşkar edərsə, narahat olmağa dəyməz; hələ kifayət qədər vaxt var.
Dünya üzrə 700.000-dən çox gələcək ana və yeni valideynlərə qoşulun.
Dəmir bütün hamiləlik boyu əsas qidalandırıcı maddədir. O, bütün vücudunuz boyu qan hüceyrələrində oksigeni daşıyaraq onu ciftiniz vasitəsilə körpənizə ötürür və körpənizin koqnitiv inkişafında əhəmiyyətli rol oynayır.3
Bu səbəbdən də hamiləlik ərzində ət, yağlı balıq və yumurta kimi bol miqdarda dəmirlə zəngin qidalar yemək vacibdir. Bitki əsaslı mənbələrə çörək və dəmirlə zənginləşdirilmiş səhər yeməyi yarmaları, su tərəsi, yem kələmi və brokkoli kimi tünd yaşıl, yarpaqlı tərəvəzlər, əncir və ərik kimi quru meyvələr və paxlalı bitkilər aiddir.4
Hamilə qadınların çoxu təkcə pəhrizləri vasitəsilə lazımi qədər dəmir səviyyəsini qoruyub saxlaya bilirlər. Amma dəmir səviyyəsi aşağı olarsa, sizə əlavələr təyin edilə bilər.5
Yadda saxlamaq lazımdır ki, bəzi qidalar dəmirin sorulmasına mane olsa da, bəziləri bu prosesi yaxşılaşdırır. C vitamini bitki əsaslı mənbələrdən dəmirin alınmasına kömək edir, buna görə də yemək zamanı bir stəkan meyvə şirəsi içmək və ya C vitamini ilə zəngin meyvə dilimi yemək əla fikirdir.6 Kalsium çay və qəhvədəki tannin maddəsi kimi əks təsirlərə də malik ola bilər. Bu onlardan uzaq durmaq mənasını vermir. Siz ehtiyacınız olan dəmiri düzgün balanslaşdırılmış pəhriz vasitəsilə almalısınız.
1. Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013. p.45.
2. NHS UK. You and your baby at 29-32 weeks pregnant [Online]. 2015. Available at: www.nhs.uk/Conditions/pregnancy-and-baby/pages/pregnancy-weeks-29-30-31-32.aspx [Accessed August 2016].
3. Commission Regulation (EU) No 957/2010 of 22 October 2010 on the authorisation and refusal of authorisation of certain health claims made on foods and referring to the reduction of disease risk and to children’s development and health. OJ L 279, 23.10.2010, pp.13–17.
4. Gandy J (Ed). Manual of Dietetic Practice, 5th Edition. Wiley Blackwell. UK. 2014 p.927.
5. NHS UK. Vitamins, supplements and nutrition in pregnancy [Online]. 2015. Available at: www.nhs.uk/Conditions/pregnancy-and-baby/pages/vitamins-minerals-supplements-pregnant.aspx[Accessed August 2016].
6. Zijp IM, Korver O, Tijburg LB. Effect of tea and other dietary factors on iron absorption. Crit Rev Food Sci Nutr 2000;40(5):371-98.
Son baxış: 8 avqust 2016
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.