Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
Siz isteʼmol qiladigan barcha narsalar – ozuqa moddalariga boy mahsulotlardan tortib vitaminli qoʻshimchalarga qadar barchasi homiladorlikni rejalashtirishdagi imkoniyatlaringizni oshirishda muhim rol oʻynashi mumkin. Muvozanatlashgan dietaning ham siz uchun, ham turmush oʻrtogʻingiz uchun foydasi haqida, shuningdek homilador boʻlishdagi imkoniyatlar darajasini oshirish uchun ratsioningizga qaysi mahsulotlarni qoʻshish kerakligi haqida bilib oling.
Homiladorlikni rejalashtirish bosqichida siz va turmush oʻrtogʻingiz birinchi navbatda sogʻlom dietaga amal qilishingiz juda muhim. Toʻgʻri ovqatlanish, spirtli ichimliklardan voz kechish va boʻyingizga nisbatan ortiqcha vazndan voz kechish homiladorlikni rejalashtirishda imkoniyatlarni oshiradi va homiladorlik vaqtida kichkintoyingizning yaxshi rivojlanishi uchun sharoit yaratadi.
Homiladorlikni rejalashtirayotganda, siz oʻz dietangizga alohida eʼtibor qaratishingiz kerak. Agar sizda homiladorlikdan oldin ozuqa moddalari zaxirasi kam boʻlsa, sizda homiladorlik vaqtida bolaning rivojlanishi va oʻsishini qoʻllab-quvvatlash uchun vitaminlar zaxirasi kam boʻladi, vitaminlar va minerallarning yetishmasligi esa, sizning sogʻligʻingizga va farovonligingizga taʼsir koʻrsatishi mumkin.
Sizning vazningiz xuddi dietangiz kabi muhim ahamiyatga ega boʻlishi mumkin. Homiladorlikkacha sogʻlom vaznni saqlash boʻlajak farzandingizning kelgusidagi salomatligini va rivojlanishini himoya qilishi mumkin. Tana vazningiz indeksi (TVI) 20 dan 25 gacha boʻlishi, bolani kam tana vazni bilan tugʻilish xavfini kamaytirishi, shuningdek homiladorlik vaqtidagi yuqori qon bosimi va diabet kabi asoratlarni kamaytirishga yordam berishi mumkin.
Oʻz TVI koʻrsatkichingizni hisoblash va uning homiladorlik uchun xavflilik darajasini aniqlash uchun TVI kalkulyatoridanfoydalaning.
Sizning vazningiz fertilligingizga ham taʼsir koʻrsatishi mumkin. Agar sizning vazningiz meʼyoridan kam boʻlsa (TVI 20 dan kam boʻlsa), homilador boʻlish imkoniyati kamayadi.
Tadqiqotlar shuni koʻrsatadiki, tana vazni oʻrtacha koʻrsatkichdan ancha past boʻlgan ayollarda homilador boʻlish ehtimoli oʻrtacha boʻladi, shuning uchun agar siz shu toifaga kirsangiz, unda tashvishlanmang. Kun davomida ozuqa moddalarini oʻz ichiga olgan mahsulotlarni oʻz ratsioningizga qoʻshish va ularning ulushini oshirish bilan, koʻproq kaloriya toʻplashga harakat qiling.
Agar sizning TVI koʻrsatkichingiz 25 dan yuqori boʻlsa, bu sizning ovulyatsiya siklingizga taʼsir qilishi va bepushtlik xavfini keltirib chiqarishi mumkin. Baʼzi ayollar homiladorlikni rejalashtirish paytida vazn tashlashni afzal koʻrishadi, chunki homiladorlik paytida dieta qilish tavsiya etilmaydi.
Koʻpchilik ortiqcha vaznga ega onalar tabiiy yoʻl bilan homilador boʻlishlari mumkin boʻlsa-da, ovulyatsiya kuzatilmagan ayollar bilan oʻtkazilgan tadqiqotlar shuni koʻrsatadiki, vaznni kamaytirish va jismoniy faollikning oddiy dasturi ovulyatsiyaga, homiladorlikni rejalashtirishga va homiladorlikning muvaffaqiyatli oʻtishiga yordam beradi. Homiladorlik paytidagi ortiqcha vazn shuningdek, kesarcha kesish koʻrsatkichlarining yuqori boʻlishi va tugʻruqdan keyin ona suti bilan emizish koʻrsatkichlarini ancha kam boʻlishi kabi baʼzi asoratlar xavfini oshirishi mumkin.
Garchi bu yoʻnalish hali toʻliq oʻrganilmagan boʻlsa-da, bir qancha omillar bilan birga dieta ham erkaklarning fertilligiga taʼsir koʻrsatadi deb hisoblanadi. Shu sababli, boʻlajak otalarga ham oʻz ratsioniga eʼtibor qaratish tavsiya etiladi. Otalarga ham shuningdek, oʻz vaznini nazorat qilish tavsiya etiladi, chunki ota-onasi ortiqcha vaznga ega boʻlgan bolalarda semirishning rivojlanishiga moyillik boʻladi.
Urugʻ suyuqligini ishlab chiqarilishida sink (goʻsht, molyuskalar va sutda mavjud), selen (Braziliya yongʻogʻi, baliq va goʻsht tarkibida boʻladi) va C vitamini (apelsin, qizil/yashil qalampir va kartoshka) katta rol oʻynaydi.
Kerakli miqdorda toʻgʻri ovqatlanishni taʼminlash sizga muvozanatlashgan dietaga erishishga va homilador boʻlish imkoniyatini oshirishga yordam beradi. Buning uchun sizga kundalik ratsioningizda quyidagi mahsulotlarning boʻlishini taʼminlashingiz tavsiya etiladi:
* Non, guruch, kartoshka va boshqa kraxmalli mahsulotlar. Bular ratsioningizning asosiy qismini tashkil etishi kerak, shuningdek tarkibida sellyuloza saqlovchi butun donli non mahsulotlarini isteʼmol qiling. Ular organizmingizni kalsiy, temir va B guruhidagi vitaminlar bilan taʼminlaydi.
* Meva va sabzavotlar. Yangi, muzlatilgan yoki konservalangan (tuzlangan mahsulotlarni isteʼmol qilmang). Kuniga 5 porsiyadan (har bir porsiyasi 80 g) isteʼmol qilish tavsiya etiladi. Xilma-xillik ozuqa moddalarining keng spektorini taʼminlashga imkon beradi.
Foliy kislotasi va D vitamini homiladorlikni rejalashtirishda dietaning muhim qismi hisoblanadi va yuqorida sanab oʻtilgan mahsulotlarni oʻz ichiga olgan ratsionni toʻldiradi. Ushbu prenatal qoʻshimchalar prenatal qoʻshimchalar haqida batafsil maʼlumot oling.
• Homiladorlikni rejalashtirishdan kamida 3 oy oldin va homiladorlikning 1-trimestri davomida har kuni foliy kislotasi (400 mkg) qabul qiling.
• Homiladorlik davri davomida har kuni 10 mkg D vitamini qabul qilish tavsiya etiladi, shuning uchun agar siz homiladorlikni rejalashtirayotgan boʻlsangiz D vitamini ichishni boshlash tavsiya etiladi.
• Oq nonni va makaron mahsulotlarini butun donli mahsulotlarga almashtiring.
• Haftasiga 2 porsiya yogʻli baliq isteʼmol qiling – losos, skumbriya, forel yoki seld yeyishga harakat qiling.
• Kuniga 5 porsiya meva va sabzavotlar isteʼmol qiling: 1 porsiya = 1 ta olma, yoki 2 ta mandarin yoki 1 osh qoshiq toʻldirib mayiz yoki 3 osh qoshiq toʻldirib pishirilgan sabzi.
• Kuniga 1,5-2 litr suyuqlik iching (imkon qadar suv).
Oxirgi marta yangilangan sana: 2016-yil 4-iyul
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.
Biz dushanbadan jumaga qadar, 9:00 dan 18:00 gacha aloqadamiz!