Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
Bo‘sh qop tik turmaydi
Tug‘ruqxonaga qanday taom olgan ma’qul?
To‘lg‘oq katta kuch talab qiladi, shu sababli faollikni saqlab qolish uchun qo‘l ostingizda yegulik turgani ma’qul. Tug‘ruqxona uchun sumkangizga yeguliklar solishdan oldin nimalarni hisobga olish va tug‘ruq paytida suv muvozanatini qanday ushlab turish kerakligi haqida o‘qib ko‘ring..
Tug‘ruq vaqtida va undan keyingi tamaddi
Qayerda tug‘ishni rejalashtirgan bo‘lsangiz ham, to‘lg‘oq paytlarida qorin ochqasa tamaddi qilish uchun, shuningdek tug‘ruqdan keyin kerakli ozuqa moddalari va kaloriyalarni to‘ldirish uchun qo‘l ostingizda yeguliklar
Agar shifoxonada tug‘ishni rejalashtirgan bo‘lsangiz, tug‘ruqxona uchun sumkaga turli to‘yimli yeguliklarni solib olish Sizni shifoxonadagi oshxona ochiqmi-yo‘qligiga bog‘lanib qolishdan va yaqindagi do‘kondan olingan nosog‘lom yeguliklar bilan kifoyalanishdan asraydi. Uyda turli-tuman mahsulotlarning zaxirasi esa, Siz va turmush o‘rtog‘ingizga ilk dard tutishlarida va farzandingiz tug‘ilganidan keyin tezda tamaddi qilib olish imkonini beradi.
To‘lg‘oq davrida ovqatlanish
To‘lg‘oqlar katta kuch talab qiladi. Boshqa barcha chidamlilik bo‘yicha musobaqalarda bo‘lgani kabi, organizmga ulardan o‘tib olish uchun yetarlicha miqdorda ovqat talab qilinadi.
Ayollar, agar tug‘ruq vaqtida munosib ovqatlanmasalar, ketoz deb ataluvchi holatga moyildirlar. Organizm energiya olish uchun o‘z yog‘ zaxiralaridan foydalanishi hamda ko‘ngil aynishi va bosh og‘rig‘i kabi simptomlarni yuzaga keltirishi mumkin, ular, shuningdek holdan toyish belgisi ham bo‘lishi mumkin.
Tadqiqotlar ko‘rsatishicha, to‘lg‘oq paytida munosib ovqatlanish Sizga charchoq davrlarini yengib o‘tishga yordam beribgina qolmay, ketoz xatarini ham kamaytiradi. Hatto ozgina miqdordagi taom, masalan bir qultum sharbat yoki izotonik ichimlik ham Sizga tetiklanishda yordam beradi.
«Ikki kishi uchun ovqatlanamiz» bepul retseptlar elektron kitobi
Shef-oshpaz Lorreyn Paskal va diyetologlarimiz jamoasidan foydali va xushta’m retseptlar
Tug‘ruq paytida va undan keyingi taomlar
To‘lg‘oq katta kuch talab qiladi, shu sababli faollikni saqlab qolish uchun qo‘l ostingizda yegulik turgani ma’qul.
Tug‘ruq va onalikning ilk kunlari uchun taom tayyorlash
Tug‘ruqlarni oldindan bashorat qilib bo‘lmaydi ammo birinchi tug‘ruq uzoq, ba’zida 24 soat va undan ko‘p davom etadi. Agar Siz shifoxonada tug‘ayotgan bo‘lsangiz, u yerda rejadagidan ko‘proq muddat qolishingiz mumkin. Agar puxta tayyorlangan bo‘lsangiz va tamaddi qila olsangiz, Sizda har bir bosqichda: dard kelishidan tortib to ko‘krak suti bilan emizishning dastlabki bir necha kunlarigacha barcha kerakli narsalaringiz muhayyo bo‘ladi.
Tug‘ruqdan oldin, tug‘ruq vaqtida va undan keyin taomlanish to‘g‘risida gap ketganda, quyidagilarni yodda tutish kerak:
• Kam-kamdan, tez-tez yeng – bu kuchni saqlab turishga yordam beradi.
• Kichik o‘lchamli porsiyalar – eng yaxshi tanlov.
• Qand miqdori yuqori bo‘lgan mahsulotlar qisqa muddatli kuch qo‘shilishini ta’minlaydi. Buning o‘rniga yirik tortilgan donli uglevodlar iste’mol qiling – ular sekin singadi.
• Yirik tamaddilar yoki taomlar tanovuli ko‘ngilni aynitishi mumkin.
• Ochqaganingizda tanovul qiling.
• Keserevo jarrohligi bo‘lsa, Sizdan yeyish va ichishdan saqlanishni so‘rashlari mumkin.
• Turmush o‘rtog‘ingizga ham, ehtimol, yegulik kerak bo‘ladi va to xarid qilib klegunicha Sizni yolg‘iz tashlab ketishini istamasligingiz mumkin. Shu sababli ko‘proq yegulik oling.
• Dard kelganda taom tanovuliga kelsak, bunda to‘g‘ri-noto‘g‘ri deyilgan joyi yo‘q, shu sababli tanangizga quloq soling va tegishlicha munosabatda bo‘ling. Ayrim tadqiqotlar ko‘rsatishicha, taom tanovul qilgan va qilmagan onalar o‘rtasida tug‘ruqning davomiyligi yoki asoratlar sonida farq bo‘lmagan.
To‘lg‘oqlar uchun suv va izotonik ichimliklar
Tabiiyki, to‘lg‘oqlar chanqoq chaqiradi. Ter chiqishi tufayli namlikni yo‘qotmaslik va suvsizlanib qolishdan saqlanish uchun muntazam suyuqlik ichib turish kerak.
Suv – tug‘ruq paytidagi eng maqbul ichimlik. Siz oxirgi bosqichlarga o‘tib borganingiz sari, agar taomlanishni istamaydigan bo‘lsangiz, izotonik ichimlik kerakli kaloriyani ta’minlashda yordam berishi mumkin..
Energiya berishga – berib, lekin ko‘ngil aynishi va qayt qilishga sabab bo‘lishi ham mumkin bo‘lgan gazlangan ichimliklardan chetda bo‘lgan ma’qul.
KEYINGI QADAMLAR
Quyidagi oziq-ovqatlardan ayrimlarini tug‘ruqxona uchun sumkangizga joylang yoki tug‘ruq boshlanishiga tayyor qilib, uyda saqlang:
- Banan va boshqa barra mevalar
- Yirik tortilgan undan non va sendvichlar uchun foydali nonxo‘raklar (tovuq, kurka va banan kabi)
- Yirik tortilgan undan pechenye / kreker / energetik batonchalar
- Kulchalar
- Quruq mevalar va yong‘oqlar aralashmasi
- Bir butilka suv
- Izotonik sport ichimligi
- Toohill J et al. Interventions for ketosis during labour. Cochrane Database Syst Rev 2008;(3).
- Kubli M et al. An evaluation of isotonic “sports drinks” during labour. Anesth Analg 2002;94(2):404-408
- O’Sullivan GI. Effect of food intake during labour on obstetric outcome: randomised controlled trial. BMJ 2009;24:338.
So‘ngi yangilash: 2014-yil 29-iyul
Farzandingizning kelgusidagi salomatligi hozir shakllanmoqda
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Mavzu bo‘yicha maqolalar
Ko‘krak bilan emizish chaqaloqlar uchun hammasidan yaxshi sanaladi
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.