Savollar tug‘ildimi?
Biz dushanbadan jumaga qadar, 9:00 dan 18:00 gacha aloqadamiz!
O‘qishga sarflanadigan vaqt: 5 daqiqa
Ko‘krak bilan emizish dunyodagi eng tabiiy jarayon sanalsa-da, uni takomillashtirish uchun bir qancha vaqt talab etiladi, shu sababli biz o‘z qo‘llanmamizda ko‘krak suti bilan qanday oziqlantirish ma’qulligi to‘g‘risida maslahatlar beramiz. Bu yerda Siz yangi tug‘ilgan chaqaloqni ko‘krak bilan oziqlantirishga oid barcha savollaringizga javob topasiz.
Yangi tug‘ilgan chaqalog‘ingizga kuniga bir necha choy qoshiq og‘iz suti yetarli bo‘ladi, chunki bu paytda uning qorinchasi kichkina sharchadek bo‘ladi.
Sutingizdagi gormonlar kechga borib o‘zgarishi va farzandingiz uyquga ketishiga yordam berishini bilasizmi?
Nutricia club tayyorlagan ushbu qisqa videoni ko‘rib, bolani ko‘krak bilan qanday emizish ma’qulligi to‘g‘risidagi qadam-baqadam qo‘llanmaga ega bo‘ling
Shubhasiz, ko‘krak bilan emizish farzandingiz uchun eng yaxshi tanlov va ikkalangiz uchun mutlaqo tabiiydir. Ammo, har qanday yangi tajriba kabi, uni o‘zlashtirish uchun biroz vaqt talab qilinadi. Shu sababli, boshida qiyinchilikka duch kelsangiz, tashvishlanmang. To‘g‘ri texnika tanlansa, ozgina tajriba orttirilganidan keyin, tez orada hammasi osonlashadi. Siz to‘g‘ri yo‘lda ekanligingizga ishonch hosil qilishingiz uchun biz ko‘krak bilan emizish bo‘yicha bir nechta foydali maslahatlarni tayyorladik. Agar sizda muammolar tug‘ilgan bo‘lsa, yodda tuting: ular faqat Sizda emas — bizda ko‘krak bilan emizish bilan bog‘liq yuzaga keladigan umumiy muammolar bo‘yicha maslahatlarimiz ham bor.
Agar Siz o‘zingizni qulay his qilsangiz, bu farzandingizni yaxshiroq ovqatlantirishga yordam beradi. Shuning uchun har xil emizish holatlarini sinab ko‘ring va eng qulayini tanlang. O‘zingizga qulaylik yaratishni ham unutmang va qo‘l ostingizda ichimlik turishi kerakligini ham e’tiborga oling – chunki emizish paytida qattiq suvsirab qolishingiz mumkin!
Tug‘ruqdan taxminan 2-4 kundan keyin ko‘kragingiz to‘lib boradi, chunki Siz ko‘proq ko‘krak suti ishlab chiqara boshlaysiz.
Har safar emizishni boshlaganingizda chanqoqni qondiruvchi, uglevodlar, oqsil va vitaminlarga boy — oldingi sutni ishlab chiqarasiz, u farzandingizning suv balansini ta’minlaydi. Farzandingiz ovqatlanishni davom etgani sari, Sizda keyingi sut ajralib chiqishi boshlanadi – u quyuqroq, ozuqaga boyroq bo‘lib, to‘yganlik hissini uzoqroq saqlab turadi.
Ammo bular sutning ikki xil turi emas, balki oldingi sut bilan boshlanib, emizish paytida keyingi sutga o‘tadigan davomiylikning yakuniy nuqtalaridir. Siz o‘z farzandingizga beradigan har qanday ko‘krak suti uni kerakli ozuqa bilan ta’minlaydi va unga hayotning eng maqbul boshlanishini taqdim etadi.
Vaqt o‘tgach, Siz farzandingiz qanday holatda ovqatlanishni xush ko’rishini bilib olasiz, ammo ungacha to‘g‘ri emizishning umumiy belgilariga e’tibor bering:
Ko‘pgina onalar bolalari yetarlicha sut emmayotganidan xavotirlanadilar, ammo dastlabki bir necha kun davomida yangi tug‘ilgan chaqalog‘ingizga bor-yo‘g‘i bir necha choy qoshiq og‘iz suti yetarli bo‘ladi, chunki uning qorni hali kichkina bo‘ladi. Shunga qaramay, u har soat ovqatlanishi mumkin. Shuningdek, farzandingiz tug‘ilishidan keyin birinchi haftada 5-10% vazn yo‘qotishi tabiiy – bu suyuqlik yo‘qotilishi tufayli ro‘y beradi. Ammo, agar vazn yo‘qotilishi 10%dan oshsa, bu borada sog‘liqni saqlash sohasidagi mutaxassis bilan maslahatlashing, chunki klinik baholash o‘tkazilishi kerak bo‘ladi. Ikkinchi hafta oxiriga borib bola kerakli vaznni yig‘ib, o‘sa boshlaydi.
Farzandingizda yuqorida keltirilgan barcha alomatlar kuzatilganida ham, baribir, Siz u qabul qilayotgan sut miqdori haqida xavotirlanishingiz mumkin. Emizishlar soni borasida biror qattiq belgilangan qoidalar yo‘q va farzandingiz ulg‘aygani sari uning ehtiyoji o‘zgarib boradi, har 2-3 soatda, jumladan kunduzgi va tungi emizishni ham mo‘ljal qilib oling.
Farzandingiz yetarlicha ovqatlanayotganligini bilishning bir necha usullari:
Yodda tuting: farzandingizning qorni to‘yishi bilan, uning o‘zi ko‘krakdan chetlanadi. Ayrim chaqaloqlar, tabiiyki, emizish paytida tanaffus qiladilar, shu sababli, u dam olayotgani yoki qorni to‘yganligini bilish uchun biroz kutib turgan ma’qul.
Ko‘krak suti farzandingizni kerakli barcha ozuqalar bilan ta’minlaydi va ko‘pgina afzalliklarga ega, farzandingiz qattiq taomlarga o‘rganganida bu afzalliklar saqlanib qoladi! Bolani 6 oygacha faqat ko‘krak suti bilan emizish, keyin 2 yilgacha qo‘shimcha taomlar bilan birga oziqlantirishni davom etish, uni ilk bolalik davrida eng yaxshi ozuqa bilan ta’minlashga yordam beradi.
Ko‘krak bilan emizish uchun moslamalarni birdaniga xarid qilish og‘ir masalaga aylanishi mumkin, shuning uchun uni homiladorlikning oxirlaridanoq rejalashtirgan ma’qul. Emizish uchun foydali moslamalar:
Emizish uchun byustgalter
Sutso‘rg‘ich
Ko‘krak uchun prokladkalar
Bola bilan sayr qilayotganimizda jamoat joylarida ko‘krak bilan emizishga ko‘p to‘g‘ri keladi. Odatda, jamoat joylarida to‘g‘ri kelib qolsa, dastlabki bir necha emizishda Siz biroz asabiylashasiz. Agar jamoat joyida ko‘krak bilan emizishga tortinadigan bo‘lsangiz, muslinli yo‘rgak Sizga ko‘kragingizni to‘sishda yordam beradi.
So‘nggi yangilash: 2020-yil 13-iyul
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
Uchinchi tomon veb-saytiga kirmoqchi bòlsangiz, davom etishdan oldin sizga quyidagilar haqida xabar bermoqchimiz:
1. Siz kirayotgan uchinchi tomon veb-sayti Nutricia tomonidan boshqarilmaydi.
2. Nutricia uchinchi tomon veb-saytida taqdim etilgan kontent, xizmatlar yoki mahsulotlar uchun javobgar emas.
3. Uchinchi tomon veb-saytidagi har qanday tranzaktsiyalar yoki o'zaro munosabatlar faqat siz va uchinchi tomon o'rtasida.
Biz dushanbadan jumaga qadar, 9:00 dan 18:00 gacha aloqadamiz!