ამ დროს მუცელი პერიოდულად იჭიმება და დუნდება, და თუ შეკუმშვის დროს საშვილოსნოზე დაიდებთ ხელს, შეამჩნევთ, რომ მუცელი მაგარი და "მოჭიმულია".  თუმცა ზოგიერთ ქალს სიმპტომები საერთოდ არ აქვს და შესაძლოა, საერთოდ არ იცის, რომ ისინი ხდება.  ზოგჯერ  შეიძლება,  ერთი და იგივე  ქალი სხვადასხვა ორსულობას განსხვავებულად გრძნობდეს-ამიტომ,  თუ  ბრექსტონ-ჰიქსის კუმშვები ერთი ორსულობის დროს უმნიშვნელო და უმტკივნეულო იყო, შესაძლოა,  უფრო ადრე დაიწყოს მეორე ორსულობის დროს და გამოიწვიონ საკმაოდ არასასიამოვნო შეგრძნებები.

ისინი უმტკივნეულოა, მაგრამ დროდადრო შეიძლება იგრძნობოდეს, როგორც მსუბუქი მენსტრუალური სპაზმები .

მთავარი განსხვავება ისაა, რომ მშობიარობის კუმშვები დროთა განმავლობაში უფრო მტკივნეული და რეგულარული ხდება და ისინი არ ქრება, რა ზომებიც უნდა მიიღოთ მათ შესამსუბუქებლად.

• არ იწვევენ საშვილოსნოს ყელის გათხელებას და გახსნას
• ჩვეულებრივ გრძელდება დაახლოებით 30 წამი
• შეიძლება იყოს არასასიამოვნო, მაგრამ, როგორც წესი, არ არის მტკივნეული
• მოდიან და მიდიან არარეგულარულ და შემთხვევით დროს
• ჩვეულებრივ ხდება არა უმეტეს საათში ერთხელ ან ორჯერ (ორსულობის გვიან ვადებამდე), დღეში რამდენჯერმე
• ჩვეულებრივ  გაივლის, თუ იცვლით პოზიციას ან აქტივობის სახეობას  ან მიდიხართ სასეირნოდ
• ჩვეულებრივ  გაივლის, თუ იღებთ  თბილ აბაზანას ან შხაპს
• ჩვეულებრივ გაივლის, თუ სვამთ წყალს ან მცენარეულ  ჩაის (რადგან შეიძლება გამოწვეული იყოს დეჰიდრატაციით)

• იწვევენ  საშვილოსნოს ყელის გათხელების და გახსნას
• გრძელდება 30-დან 70 წამამდე
• დროთა განმავლობაში ხდება ძალიან რეგულარული
• ხდება ერთმანეთთან ახლოს
• დროთა განმავლობაში გრძელდება დიდხანს
• ძლიერდება და ხდება ხშირი, როცა დადიხართ
• დროთა განმავლობაში ხდება უფრო მტკივნეული და შეიძლება იგრძნობოდეს, როგორც ძლიერი მენსტრუალური ტკივილები
• შეიძლება დაკავშირებული იყოს საშოდან "ლორწოვანი საცობის" გამოსვლასთან ან წყლების დაღვრასთან

ისინი ჩვეულებრივ შეიგრძნობა, როგორც უმტკივნეულო ან საშვილოსნოს  მცირედ  არასასიამოვნო დაჭიმვა ან გამაგრება.  ისინი ხშირად იწყება საშვილოსნოს ზედა ნაწილში და მიემართება ქვემოთ, და შეიძლება გაგრძელდეს  30-დან 60 წამამდე. თუმცა, ისინი შეიძლება იყოს მხოლოდ ერთხელ ან ორჯერ დღეში, ან საათში რამდენჯერმე   ორსულობის  გვიან ვადებამდე.

ზოგადად, ისინი არაა მტკივნეული. ხშირად სრულიად  უმტკივნეულოა და შეიძლება შენიშნოთ, რომ თქვენი მუცელი ხდება მაგარი. თუ გადაღლილი ან გაუწყლოებული ხართ, კუმშვები შეიძლება უფრო ხშირი და/ან არასასიამოვნო გახდეს. თუ შეამჩნევთ, რომ კუმშვები გახდა უფრო მტკივნეული, ხანგრძლივი ან რეგულარული, რჩევისთვის უნდა მიმართოთ ბებიაქალს ან ექიმს, განსაკუთრებით, თუ ხართ 37კვირამდე ორსული  ან გაქვთ სხვა სიმპტომები, როგორიცაა მუდმივი ტკივილი, ვაგინალური სისხლდენა ან ბავშვის მოძრაობის სიხშირის შემცირება.

ისინი ჩვეულებრივ გრძელდება 30-დან 60 წამამდე, ზოგჯერ უფრო ხანმოკლეა, მაგრამ არა ჩვეულებრივზე გრძელი. ისინი, როგორც წესი,  წარმოიქმნებიან  შემთხვევით და იშვიათად გრძელდება  საათზე მეტხანს, ჩვეულებრივ, ისინი მხოლოდ რამდენიმე წუთს გრძელდება.

სავსებით ნორმალურია მათი შეგრძნება ორსულობის ამ ეტაპზე ან მესამე ტრიმესტრის ნებისმიერ დროს. სინამდვილეში ისინი იწყება  გაცილებით ადრე (პირველ ტრიმესტრშიც კი), მაგრამ ქალების უმეტესობა მათ ვერ გრძნობს  დაახლოებით 20 კვირამდე.

ბრექსტონ-ჰიქსის კუმშვების გავრცელებული გამომწვევი მიზეზებია:

• დეჰიდრატაცია
• ზედმეტი დატვირთვა – როგორიცაა სიმძიმის აწევა ან ფიზიკური ვარჯიში ან ხანგრძლივი სიარული
• თქვენი ბავშვი განსაკუთრებულად აქტიურია
• სქესობრივი ურთიერთობა
• ვინმე ეხება თქვენს მუცელს
• ერთ პოზიციაში ჯდობა ან დგომა ხანგრძლივი დროის განმავლობაში
• ძალიან სავსე შარდის ბუშტი

საუკეთესო საშუალება მათ მოსაგვარებლად არის თქვენი წყლის ბალანსის აღდგენა,  თბილი აბაზანის მიღება 30 წუთის განმავლობაში ან პოზიციის შეცვლა ან გავლა, თუ დიდხანს იჯექით. და წადით საპირფარეშოში  მოსაშარდად, თუ გრძნობთ, რომ შარდის ბუშტი სავსეა.

ისინი შეიძლება დაიწყოს უკვე პირველ ტრიმესტრში, მაგრამ იშვიათად შეიძლება იგრძნოთ ორსულობის 16 კვირამდე. ქალების უმეტესობა იწყებს მათ შეგრძნებას 20 კვირის შემდეგ, ზოგიერთი ქალი კი საერთოდ ვერ გრძნობს მათ.

საპირფარეშოში გასვლა შარდის ბუშტის დასაცლელად და ბევრი წყლის დალევა  და სეირნობა დაგეხმარებათ მათ მოგვარებაში. თუ ისინი ერთ საათზე მეტ ხანს გაგრძელდება ან გახდება უფრო მტკივნეული და/ან რეგულარული,  რჩევისთვის უნდა მიმართოთ საავადმყოფოს - განსაკუთრებით თუ ხართ 37 კვირამდე ორსული ან გაქვთ რაიმე ვაგინალური გამონადენი ან შეშფოთება თქვენი ბავშვის მოძრაობებთან დაკავშირებით.

უჩვეულოა, რომ ბრექსტონ-ჰიქსის კუმშვები დაკავშირებულია ზურგის ტკივილთან. ეს უფრო ხშირია, თუ ნამდვილი  მშობიარობა გაქვთ – ამიტომ რეკომენდებულია,  რჩევისთვის მიმართოთ ექიმს, განსაკუთრებით თუ 37 კვირამდე ხართ. ზოგიერთი ქალი გრძნობს ბრექსტონ-ჰიქსის კუმშვებს  ორსულობის ადრეულ ვადებზე და მათ ასევე აქვთ ზურგის ტკივილი, რომელიც არაა დაკავშირებული კუმშვებთან. თუ თქვენი ექიმი ან ბებიაქალი თვლის, რომ ბრექსტონ-ჰიქსის კუმშვები  არაა შემაშფოთებელი, უნდა მიმართოთ ფიზიოთერაპევტს, რათა შეაფასოს თქვენი ზურგი და მოგცეთ რჩევა დახმარების აღმოსაჩენად. ასევე გაითვალისწინეთ სხვადასხვა აქტივობა, რამაც შეიძლება გამოიწვიოს ბრექსტონ-ჰიქსის კუმშვები  ან ზურგის ტკივილი, რათა შეძლოთ მათი თავიდან აცილება.