Tug‘ruqdan keyingi o‘zgarishlar
Tug‘ruqdan keyingi o‘zgarishlarga tayyorlanish
Homiladorlik va tug‘ish sizga jismoniy hamda hissiy jihatdan katta ta’sir ko‘rsatishi mumkin. Quvvatingizni tiklab, o‘zingizni yana “odatdagidek” his qilishingiz uchun vaqt kerak bo‘ladi. Tayyorgarligingizni yaxshilash uchun o‘zingiz duch kelishi mumkin bo‘lgan ayrim holatlar haqida bilib oling.
Ko‘kraklaringiz
Avvaliga ko‘kraklaringiz yumshoq tuyuladi, chunki eng boshida bir necha kun chaqalog‘ingizga faqat oz miqdorda og‘iz suti1 (muhim himoya antitanachalariga to‘la to‘yimli sut) kerak bo‘ladi. Uch-to‘rt kundan so‘ng sut kelgach, ko‘kraklaringiz qattiqlashganini his qilasiz2 va yangi sut oqimiga moslashayotgani sababli issiq va sezuvchan bo‘lib qolishi mumkin.
Dastlabki bir-ikki hafta davomida menda og‘riq va charchoq bo‘ldi, emizishga qiynaldim. Yaxshiyamki, turmush o‘rtog‘im va onam barcha yumushlarni o‘z zimmalariga olib, menga dam olishim uchun imkoniyat yaratib berishdi.
Kichik tos a’zolaringiz
Tug‘ruqdan keyin qin atrofida og‘riq, ko‘karish yoki shish paydo bo‘lishi tabiiy holat.
Agar sizga chok tushgan bo‘lsa, uning bitish vaqti chok turiga qarab farqlanishi mumkin. Orqa chiqaruv teshigi choklarining bitishi uchun ikki haftadan to‘rt haftagacha vaqt ketishi mumkin3, kesarcha kesishdan keyingi tiklanish esa odatda olti hafta atrofida davom etadi4.
Shuningdek, loxiya5 deb ataladigan ajralmalar ham bo‘ladi. Dastlab u qon rangida bo‘lishi mumkin, ammo keyingi ikki-olti hafta davomida avval ochroq va jigarrang tusga kirib, so‘ng asta-sekin och pushti rangga o‘zgaradi.
Shuningdek, qovug‘ingiz zaiflashganini ham sezishingiz mumkin, shuning uchun muntazam ravishda chanoq tubi mashqlarini bajarib, ichki mushaklaringizni mustahkamlang.
Hissiyotlaringiz
To‘qqiz oylik intizorlik, tug‘ruq mashaqqatlari, farzandingiz bilan uchrashish quvonchi, ona bo‘lganingizni his qilish va katta gormonal o‘zgarishlar sababli tug‘ruqdan keyingi dastlabki kunlar hissiyotlarga juda boy bo‘ladi.
Shu bois, tug‘ruqdan keyingi hafta davomida yig‘loqi bo‘lib qolishingiz mumkin — ayniqsa, juda charchagan, og‘riq sezayotgan yoki boshqa qiyinchiliklarga duch kelayotgan bo‘lsangiz.
O‘zingizni qanday his qilishingizdan qat’i nazar, tanangiz va ongingiz tiklanishi hamda onalikka ko‘nikishi uchun imkon qadar ko‘proq dam olishga harakat qiling.
Keyingi qadamlar
- Paratsetamol va ibuprofen g‘amlab qo‘ying
- Bir necha kunga yetadigan to‘yimli taomlarni tayyorlab, muzlatib qo‘ying
- Qulayroq o‘tirishga yordam beradigan “ponchik” shaklidagi yostiqcha xarid qiling
- Chanoq mushaklari uchun mashqlarni bajaring
- Qulay gigiyenik prokladkalar sotib oling
