Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Oxuma müddəti: 3 dəqiqə
C vitamini körpənizin vücudunu formalaşdıran liflərdən olan kollagenin əmələ gəlməsi üçün lazımlıdır. Buna görə də hamiləlik dövründə ehtiyacınızın artması təəccüblü deyil. Xoşbəxtlikdən bol miqdarda meyvə və tərəvəzlərin daxil edildiyi pəhriz vasitəsilə kifayət miqdarda qəbul etməyiniz mümkündür.
Hamiləlikdə C vitamininin faydaları, dəmirin sorulmasına necə kömək etdiyi və hansı qidaların ən yaxşı mənbələr barədə öyrənin.
C vitamini təkcə immun sisteminizi gücləndirmir və hamiləlikdə dəmir çatışmazlığı anemiyasının yaranması riskini azaltmır, o, həm də körpənizin fiziki inkişafının açarıdır.
C vitamini:
Hamiləlik dövründə C vitamininə ehtiyac miqdarı gündə 50 mq-dır və bu adi halda ehtiyac duyduğunuzdan 25% çoxdur.3 100 q çiyələyin tərkibində 57 mq C vitamini var. Körpənizi ana südü ilə qidalandırmağa qərar versəniz, hər hansı bir pəhriz dəyişikliyi etməyinizə ehtiyac yoxdur, amma sağlam qidalanmağınız faydalıdır. Əlavə tövsiyəyə ehtiyacınız olarsa, həkiminizlə söhbətləşin. Sağlam əmizdirmək pəhrizi barədə daha ətraflı oxuyun.
C vitamini suda həll olan vitamin olduğu üçün orqanizminiz tərəfindən ehtiyatı yığılmaz, bu da hamiləlik dövründə gündəlik olaraq qəbul edilməsi mənasına gəlir. Xoşbəxtlikdən bol miqdarda meyvə və tərəvəzlərin daxil edildiyi sağlam, balanslaşdırılmış hamiləlik pəhrizi vasitəsilə sizi və körpənizi dəstəkləmək üçün ehtiyacınız olan miqdarda C vitamini qəbul edə bilərsiniz.4
C vitamini ilə zəngin qidalara brokkoli, gül kələmi, yem kələmi, kivi, sitrus meyvələr, qırmızı, yaşıl və sarı bibər, şirin kartof, çiyələk və pomidor aiddir.
Bibərin tərkibində portağaldan 2 dəfə daha çox C vitamini var. 100 q bibərdə təxminən 126 mq C vitamini olduğu halda, 100 q portağalda bu rəqəm 52 mq-a bərabərdir.5
Müxtəlif qidalardan ala biləcəyiniz C vitamini miqdarını göstərən cədvəl:6
Qida | Porsiya | Ortalama qidalandırıcı miqdarı (mkq) |
---|---|---|
Qırmızı bibər | 100 q | 126 |
Brokkoli (ən yaxşısı çiy və ya buxarda bişmiş) | 100 q | 79 |
Çiyələk | 100 q | 57 |
Kələm (yaşıl və ya ağ) | 100 q | 45 |
Sitrus meyvələr (ən yaxşısı portağaldır) | 100 q | 42-52 |
Portağal şirəsi | 100 q | 40 |
Pomidor (ən yaxşısı bişmiş halda) | 100 q | 30 |
İspanaq | 100 q | 30 |
Suda həll olan digər vitaminlərdə olduğu kimi yeməkləri bişirmə və hazırlama üsulunuz C vitamini tərkibinə təsir edə bilər.5
Qidaların qaynadılması onların tərkibindəki C vitamininin bir hissəsini yox edə bilər. Qidalandırıcılıq miqdarını mümkün qədər çox qorumaq üçün tərəvəzləri buxarda və ya qirildə bişirmək ən yaxşısıdır.5 Daha yaxşısı isə salatlarda çiy halda yeyilməsidir.
C vitamini ispanaq və noxud kimi bitki mənşəli qeyri-hem dəmirin orqanizmdə sorulmasına kömək edir. Hamiləlik dövründə bitki mənşəli dəmir mənbələri ilə birlikdə tərkibində C vitamini olan qidaları yemək gündəlik qəbulunuzu əhəmiyyətli dərəcədə artıracaq.7 Pəhrizinizdən ən yaxşı şəkildə yararlanmaq üçün meyvə ilə dəmir mənbələrini eyni yeməyə daxil edin; bu, salata doğranmış meyvə əlavə etmək və ya desert kimi bütöv meyvəni yemək ola bilər.7
Kifayət qədər dəmir qəbulu artan qan miqdarını dəstəkləmək, dəmir çatışmazlığı anemiyası riskini azaltmaq və körpənizin həyatının ilk altı ayında öyrənməsini və inkişafını dəstəkləmək üçün dəmir ehtiyatının formalaşması üçün lazımlıdır.2 Hamiləlik pəhrizinizdə dəmirin əhəmiyyəti barədə daha çox öyrənin.
Son baxış: 28 iyul 2020
Nutricia-nın Tibbi və Elmi İşlər Komandası tərəfindən nəzərdən keçirilib
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.