Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Alimlər hamiləliyin üçüncü rübündə körpənin anasının səsini, ana dilini tanıdığını və hətta sözləri və laylaları yadda saxladığını təsdiqləyirlər.1,2 Bu məntiqlə musiqinin də təsirə malik olduğu düşünülür, bəs klassik musiqiyə qulaq asması dölü daha ağıllı edə bilərmi?
Körpənizin erkən dil inkişafının elmi əsası və onu necə həvəsləndirmək barədə silsilə məqalə və videolarımız vasitəsilə öyrənin.
Körpənizin gələcəyinin formalaşmasına kömək etmək üçün onun inkişafı barədə daha çox öyrənin
Hamilə qadının qarnına klassik musiqi səsləndirməyin körpəni daha ağıllı etməsi barədə fikirlər 1990-cı illərin sonlarında məşhurlaşmağa başladı və hamilə analara beyin gücləndirici musiqi satan sənaye halına gəldi.3,4 Amma bunun körpənizin gələcəyini daha parlaq edə biləcəyini təsdiqləyən çox az dəlil var. Bu əfsanə psixoloq Frances Rauscherin Amerikada kollec tələbələri arasında apardığı araşdırmadan yaranmışdı; bu araşdırma IQ ilə Motsartı dinləməyin arasında az da olsa, əlaqənin olduğunu müəyyən etmişdir. Tələbələrdən hələ doğulmamış körpələrə necə keçid edildiyi müəmma olaraq qalır, amma körpənizə ən yaxşısını bəxş eləmək arzusundan yarana bilər.3
Motsart körpənizi daha ağıllı eləməsə də, onun beynini daha aktiv edə bilər. Musiqi eşidərkən bətndəki körpənin beyin fəallığının artdığı müəyyən edilmişdir.5
Anasının səsinin hələ doğulmamış körpə üzərində təsiri barədə çox sayda araşdırma aparılmışdır. Ana ucadan kitab oxuyanda onun səsinin hələ doğulmamış və yeni doğulmuş körpə üzərində sakitləşdirici təsiri olur və onun ürək ritmini azaldır.5 Səsin intonasiyasının hələ doğulmamış körpənin eşitmə bacarıqlarını formalaşdırdığı, bununla da onun öz anasının səsini tanıdığı və üstünlük verdiyinə səbəb olduğu təsdiqini tapmışdır.6 Ananın səsi təkcə körpənin eşitmə sisteminə təsir etmir, heyrətləndirici olsa da, onun sosial və emosional inkişafına da təsir göstərir.5
Klassik musiqinin daha ağıllı körpələrin doğulmasına səbəb olduğu sübuta yetirilməsə də, maraqlı araşdırmalar musiqinin doğuşdan əvvəl beynin inkişafında rol oynadığını üzə çıxarmışdır. 2013-cü ildə Avropada keçirilən araşdırma musiqinin hələ doğulmamış körpənin beyninin inkişafında uzun müddətli təsirə malik olduğunu göstərir.7 Körpələrin ana bətnində onlara səsləndirilən “Twinkle, Twinkle Little Star” mahnısının versiyasını tanıdıqları, mahnının digər versiyalarına isə fərqli reaksiya göstərdikləri aşkar olunmuşdur.7
İnanılmaz olsa da, digər araşdırmalar körpələrin musiqi ritmlərini müəyyən etmək bacarığı ilə doğulduqlarını göstərir.8 Daha əhəmiyyətlisi isə, bəzi araşdırmalar göstərir ki, sakitləşdirici musiqi hələ doğulmamış körpələri qidalanmağa təşviq edə və həyati vacib göstəricilər olan ürək ritmləri və oksigen hopdurma səviyyələrini yaxşılaşdıra bilər.9
Körpələrə layla oxumaq valideynlər və dayələr üçün həmişə adi hal olub və uşaqlıq boşluğunda musiqi dinləməyin də hələ tam araşdırılmamış faydaları ola bilər.
Maraqlı məqam odur ki, 2014-cü ildə aparılan araşdırma hamilə qadınların hamilə olmayan qadınlara nisbətən musiqiyə daha həssas olduqlarını və buna qarşılıq olaraq qan təzyiqində artım olduğunu göstərir.10
Üçüncü rübdə körpəniz sizin səsləndirdiyiniz musiqini tam aydın eşidə biləcək. Laylalar kimi incə səslər sakitləşdirici təsir bağışladığı halda, yüksək və ya qarmaqarışıq səslər hələ doğulmamış körpələri ürküdə bilər və həddən artıq səs-küy stres yarada bilər.11 Səsin çox yüksək olmadığından və seçdiyiniz musiqinin kifayət qədər melodik olmasına diqqət edin; körpənizi ən sevdiyiniz metal rok mahnısı ilə tanış etmək üçün daha bir neçə il gözləyin!
Bu, erkən dil inkişafını izah edən sadəcə bir məqalədir. Daha ətraflı məlumat üçün bizim mütəxəssislərin məqalə və videoları ilə tanış olun.
Son baxış: 19 iyun 2016
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Davam etməzdən əvvəl sizi aşağıdakılarla məlumatlandırmaq istəyirik:
1. Daxil olduğunuz üçüncü tərəfin saytı Nutricia tərəfindən idarə olunmur və ya yoxlanılmır.
2. Nutricia üçüncü tərəfin saytında təklif olunan məzmun, xidmətlər və ya məhsullara görə məsuliyyət daşımır.
3. Üçüncü tərəfin saytında etdiyiniz hər hansı əməliyyat və ya qarşılıqlı əlaqə yalnız sizinlə üçüncü tərəf arasındadır.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.