Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Oxuma müddəti: 10 dəqiqə
Körpənizin bağırsağını bəsləmək onun gələcək sağlamlığı üçün edə biləcəyiniz ən yaxşı işlərdən biridir. Bu, qidalardan maksimum dərəcədə faydalanmasına kömək etməkdən başqa, gələcəkdə infeksiyalarla mübarizə qabiliyyətindən tutmuş əqli sağlamlığına qədər bir çox amilə təsir edə bilər. Təəccüblü deyil ki, ona bəzən ”ikinci beyin” də deyilir.
Mayalanma anından körpənizin ikinci doğum gününə qədər düz 1000 gündür. Həm də sağlam bağırsaq mikrobiotası qurmaq üçün kritik bir zamandır. Gəlin, bunun necə olduğunu araşdıraq.
20-ci həftəyə qədər körpənizin bağırsağı tamamilə formalaşır.2 Bakteriyalarınızı ana bətnindəki körpənizə ötürüb-ötürməməyiniz çox müzakirə olunur. Bəzi dəlillər onun amniotik mayedən keçə biləcəyini fikrini irəli sürsə də3, bətnin steril olduğuna (bakteriyanın olmadığına) və bu səbəbdən də bakteriyaların doğuşa qədər keçmədiyinə inanılır. Bakteriyalarınızı körpənizlə hansı yollarla bölüşməyinizdən asılı olmayaraq, körpənizə keçməyə hazır olan öz bağırsaq mikrobiotanızı bəsləməyiniz vacibdir. Bunun üçün ən vacib yollardan biri müxtəlif və sağlam hamiləlik qidalarını yeməkdir.4.
(Körpəniz dünyaya gəldikdən sonra onun həzm sistemini dəstəkləməyin ən yaxşı yolu ana südü ilə qidalanmasıdır. Körpəniz gəlməmişdən əvvəl yaxşı başlanğıc üçün özünüzə kömək etmək məqsədilə əmizdirmə təlimatımızı oxuyun.)
Vaginal doğuş zamanı körpənizin bədəni doğum kanalınızdan keçərkən bir sıra faydalı bakteriyaların təsirinə məruz qalır.
Körpənizin immun sistemi hələ formalaşmayıb və indi məruz qaldığı bütün yoluxucu maddələrlə necə mübarizə aparmağı tez öyrənməlidir. Onun bağırsağı intensiv böyümə və inkişaf dövründən keçir.5 Faktiki olaraq, onun bağırsağında bağırsaq mikrobiotası kimi tanınan tamamilə yeni bir ekosistem yaranmışdır. O, barmaq izləri qədər unikaldır və digər mikroorqanizmlərlə birlikdə 1000-dən çox müxtəlif növ bakteriyadan ibarətdir.6 Bu bakteriyalar körpənizin immun sistemini gücləndirərək onun ümumi sağlamlığını dəstəkləyir.7
Ana südü xüsusi olaraq körpəniz üçün hazırlanmışdırəmələ gəlir və onun bağırsağının inkişafına kömək edir. Ana südü bağırsağın inkişafında çox vacib olan elementlər də daxil olmaqla bir çox komponentdən ibarətdir. Məsələn, bağırsaqdakı bakteriyaları qidalandıran ana südü oliqosaxaridləri (HMO-lar).8 Bağırsağın inkişafına kömək edən digər amillər arasında laktoza, nükleotidlər və yağ turşuları var.9 Ana südü eyni zamanda bütöv zülallar və kiçik parçalara ayrılmış az miqdarda zülallardan ibarətdir. Bu parçalanmış zülallar peptidlər adlanır.9
Yedikləriniz və içdikləriniz ana südünüzə də təsir edə bilər, buna görə də körpənizə ana südü verərkən müxtəlif, sağlam və balanslı qidalanma yalnız sizi deyil, körpənizi də sağlam saxlayacaq. Ana südü ilə qidalanmanın faydaları barədə daha çox məlumat əldə edin. Əgər çətinlik çəkirsinizsə, ana südü ilə qidalanma barədə təlimatımızı oxuyun.
Körpəniz böyüdükcə bağırsağındakı bakteriyaların sayı və çeşidi də artır.
6 aydan etibarən qatı qidalarla tanış etmək, müxtəlif və balanslı pəhriz üzərində işləmək körpənizin bağırsaq mikrobiotasını artırmaq və şaxələndirmək,10 immun sistemini dəstəkləmək və ömrü boyu infeksiya və xəstəliklərlə mübarizədə ona kömək etmək üçün bir fürsətdir.
Təxminən 3 yaşına çatdıqda, körpənizin bağırsaq mikrobiotası tam inkişaf etmiş olur,11 halbuki müvəqqəti dəyişə bilər.12 İrəlilədikcə balanslı və çeşidli qidalanma gələcəkdə də onun bağırsaq sağlamlığını qorumağa davam edəcək. Bir çox qidalar (soğan, banan, pomidor və liflərlə zəngin digər qidalar) təbii olaraq prebiotikləri ehtiva edir, bu da sağlam bağırsağın qorunmasına kömək edir.13
Uşağınız böyüdükcə bağırsaq mikrobiotası pəhriz, stres və ya antibiotik kursu qəbul etmək kimi bir çox səbəbdən dəyişilə bilər. Sağlam bağırsağın qorunmasının ən yaxşı yolu çeşidli və sağlam pəhrizlə qidalanmaq, bol yuxu almaq və stresdən qaçmaqdır.14
Son baxış: 13 avqust 2019
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Davam etməzdən əvvəl sizi aşağıdakılarla məlumatlandırmaq istəyirik:
1. Daxil olduğunuz üçüncü tərəfin saytı Nutricia tərəfindən idarə olunmur və ya yoxlanılmır.
2. Nutricia üçüncü tərəfin saytında təklif olunan məzmun, xidmətlər və ya məhsullara görə məsuliyyət daşımır.
3. Üçüncü tərəfin saytında etdiyiniz hər hansı əməliyyat və ya qarşılıqlı əlaqə yalnız sizinlə üçüncü tərəf arasındadır.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.