Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Oxuma müddəti: 9 dəqiqə
Duz gündəlik qəbul etdiyimiz əvəzedilməz bir mineraladır və bədəndə maye miqdarını, əzələ və sinir funksiyalarını qorumaq üçün lazımlıdır.1-3 Hamiləlikdə vücudunuzdakı maye səviyyəsi inkişaf etməkdə olan körpənizi dəstəkləmək üçün dəyişir və duz maye səviyyəsini nizamlamağa və qorumağa kömək etməkdə vacib rol oynayır.1 Amma nə qədər duz kifayətdir və nə qədəri çoxdur? Vacib funksiyanı yerinə yetirməsinə baxmayaraq, hamiləlik dövründə sağlam qidalanma üçün çox az miqdarda duza ehtiyac var.2 Nə qədər duz qəbul etməli olduğunuzu və hamilə olarkən duz qəbulunuzu azaltmağın yollarını öyrənmək üçün oxumağa davam edin.
Duz iki maddədən ibarətdir: natrium və xlorid. Qida dəyərini göstərən bəzi yarlıqlarda həm duz, həm də natrium qeyd edilərkən, bəzilərində təkcə natrium yazılır. Təkcə natriumun miqdarı göstərilən məhsulların tərkibində nə qədər duz olduğunu bilmək üçün həmin rəqəmi 2,5-ə vurmaq lazımdır.2
Bəzi duzlar körpənizin beyin inkişafına töhfə verən mineral olan yodla zənginləşdirilir. Araşdırmalar göstərir ki, bəzi hamilə qadınlar bu vacib qidalandırıcını kifayət qədər qəbul etmir, buna görə də mətbəxdə yodlaşdırılmış duzdan istifadə etmək yod qəbulunu dəstəkləməyə kömək edə bilər.4
Mütəxəssislər hamilə qadınların təkcə qidalanma ilə kifayət qədər yod ala biləcəklərini və hər hansı bir yod əlavəsinə ehtiyac olmadığını bildirirlər.5 Yod ilə zəngin qidalar arasında bəzi balıqlar, qabıqlı dəniz məhsulları, yumurta və taxıllar var.5 Hamilə olarkən hansı balıqları və qabıqlı dəniz məhsullarını yeyə biləcəyiniz barədə və hamiləlik dövründə yumurta yeməklə bağlı qaydaları öyrənin.
Hamiləlik dövründə sağlam duz qəbulu digər vaxtlardakı miqdar ilə eynidir.
Böyüklərin normal bədən funksiyaları üçün gündə 1 qramdan az duza ehtiyacı var və mütəxəssislər gündə maksimum 6 q qəbul etməyi tövsiyə edirlər; bu, təxminən bir çay qaşığı ölçüsündədir və 2,4 q natriuma bərabərdir.6
Hamilə olarkən sağlam pəhrizin nə qədər vacib olduğunu hamımız bilirik və əgər gündəlik qəbul etdiyiniz duz miqdarı 6 qramdan azdırsa, pəhrizinizi xüsusi olaraq uyğunlaşdırmağa ehtiyac yoxdur.
Amma qəbul etdiyiniz duz miqdarının daha yüksək olduğundan şübhələnirsinizsə, məhsulların qida dəyəri yarlığında duz və ya natrium miqdarını yoxlayaraq gündəlik qəbulunuza nəzarət edə bilərsiniz.
Bəzən insanlar tövsiyə edilən miqdardan daha çox qəbul edirlər, çünki yeyilən qidalarının çoxuna duz əlavə edilir. Qəbul edilən duzun təxminən 75-80%-i hazır yeməklərdə, çatdırılan qidalarda və restoran yeməklərində gizlənir.7
Yüksək miqdarda duz qəbulu qan təzyiqinə təsir edə bilər.2 Duz böyrəklərdən təsirsiz ötüşmür və bədənin su saxlamasına səbəb olur. Bu əlavə maye daha çox qan həcminə səbəb olur və qan təzyiqinin yüksəlməsi ilə nəticələnir.1 Buna görə də hamiləlik dövründə az miqdarda duz qəbul etmək qan təzyiqinin sağlam nizamda saxlanılmasına, insult riskini azaltmağa, ürək problemləri və digər hallara kömək edə bilər.1-3
İllərlə çox duzlu qidalar yemək və hətta orta miqdarda duz qəbul etdikdən sonra, az miqdarda duz olan qidalar dadsız gələ bilər.7
Xoş xəbər odur ki, dad tumurcuqlarının duzsuz qidaların təbii dadına uyğunlaşması və onları qəbul etməyə başlaması üçün sadəcə üç həftə lazımdır. Buna görə də, duzu azaltmağa ehtiyacınız varsa, səbirli olun və yeməklərin dadının tezliklə yenidən gözəl olacağını unutmayın.7
Hamilə olarkən duz qəbulunu azaltmağın bəzi üsulları:
Son baxış: 29 may 2020
Nutricia-nın Tibbi və Elmi İşlər Komandası tərəfindən nəzərdən keçirilib
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Zəhmət olmasa, əvvəlcə bu vacib xəbərdarlığı oxuyun
“Davam” düyməsini sıxmaqla Nutrilon uşaq südləri və digər məhsullarla bağlı məlumatları görə biləcəksiniz. Davam etməyi seçdikdə NutriciaClub-ın məlumatları sizə informasiya məqsədli şəxsi tələbiniz əsasında təqdim etdiyi ilə razılaşırsınız. Zəhmət olmasa, uşağınızı südlərlə qidalandırma və ana südündən qatı qidalara keçirməklə bağlı məlumatlı seçim etmək üçün tibb mütəxəssisi ilə məsləhətləşin.
Ana südü ilə qidalanma körpələr üçün ən xeyirlisidir və körpələrə çoxsaylı faydası var. Əmizdirməyə hazırlaşarkən və ya əmizdirmə dövründə sağlam qidalanmaq və balanslaşdırılmış pəhriz çox vacibdir. Körpənin həyatının ilk həftələrində qarışıq qidalanması və butulka ilə qidalanması ana südü ehtiyatlarının azalmasına gətirib çıxara bilər və imtinadan sonra ana südü ilə qidalanmaya qayıtmaq çətin ola bilər. Uşaq südünün istifadəsi zamanı sosial və maddi nəticələrin olmasını nəzərə almaq lazımdır.
Uşaq südünün, digər qida məhsullarının və ya qidalanma metodlarının yanlış istifadəsi sağlamlıq üçün təhlükəli ola bilər. Sağlamlığa ziyan verməmək üçün uşaq qidalarının hazırlanması və yedizdirilməsi təlimatlarına ciddi əməl etmək lazımdır.